❞ كنت واقفه في الشباك عيني هتطلع علي الشارع الساعه دلوقتي ٣:٥٩ دقيقه ناقص دقيقه و يخرج يتمشي زي كل يوم علي ٤ بالظبط لقيته في الشارع بطلته المحببه لقلبي ـ صقر صقر اول ما شفتها ابتسمت ساعاتها مظبوطه علي ساعتي بالثانيه =أيوة يا ست البنات ـ انت وعدتني لما انجح هتخرجني وانا نتيجتي طلعت و نجحت =كنت واثق في ست البنات روحي البسي عقبال ما اروح لابوكي اقوله ـ فوريره رحت لابوها وقولت له وبحكم اني خطيبها وافق اخدتها و طلعت علي النيل مكانها المفضل في الليل ـ قولي بقي يا سيدي مالك بقالك كام يوم مش عجبني =مفيش يا حبيبي مشاكل في الشغل ـ احكي احكي كلي اذان صاغية = مممم المدير مطلع عيني بيطفشني من الاخر ـ طب ما تدور علي شغل تاني =مين قالك اني مش بدور بدور بس كلها مرتبات أقل ـ مش مهم المهم تكون مرتاح =هرتاح لما تبقي في بيتي بصت لي وضحكت وسكتنا و بصينا علي النيل لحد ما قاطع سكوتنا صوتها وهي بتقول ـ ما تغني لي =طب ما أعمل حاجه احسن ـ ايه هي =اقولك شعر بصت في عيني بحماس طفل مستني ياخد حاجه حلوة فأبتسمت علي لمعه عينيها اللي مبتظهرش غير معايا أنا و بس =تخيل و أنت بتدور ما بين الناس على الراحة تلاقي حد يشبهلك ويبقى شاريك يحبك زي ما انت تكون و بطباعك كدة وبلاويك يشيلك وقت ما تميل ويشبط فيك كما العيل وتسرح فيه وتتخيل حياتك جنبه عاملة إزاي يكرمش عوده مع عودك و يعملك بايده الشاي يقول لك إنت أحلى الناس و يمدح فيك و يتغزل و يفتكرك في كل مكان و يبقى معاك في كل الجاي و يدعيلك =الجميل سرح في ايه ـ خايفه =من ايه بس ـ خايفه مبقاش قد المسؤوليه الجايه خايفه مقدرش اهتم بيك و بالبيت و بالعيال لما نخلف خايفه أن المسؤوليه تبقي اكبر مني مسكت ايديها و انا ببوس كفها من جوا =انتي اكبر من أي حاجه و قد اي حاجه و انا هنا معاكي مش هسيبك و الحمل المقسوم علي أتنين حنين وانا وانتي اهو هنشيل الدنيا سوا صح ابتسمت ابتسامتها اللي مدوباني والله ـ صح =اقولك علي سر خطير ـ قول =أنا اصلا مشكلتي في عينك تخدني بلاد و توديني و تخليني دايب في بحورها و رغم اني غريق فيهم الا اني مستمتع بالغرق #لـشهدالوليد|الإعصار. ❝ ⏤شهد الوليد

❞ لم تعد هناك أي قدره لتبرير التصرفات و الأفعال لم يعد هناك قدره لقول ما بداخلنا أو لوصف مشاعرنا فقط نلجئ للصمت و الوحده و الابتعاد عن الإخرين بدون أن ننطق اي كلمه #لـشهد الوليد | الإعصار. ❝ ⏤Shahdalwaleed(Hurricane)

❞ المكالمه اللي بتبقي بعد الساعه ١٢ دي بتكلم فيها حد بتحبه بتحكيله تفاصيل يومك دي بالدنيا الشخص اللي أول ما يزعل يجري عليك يحكيلك لانه واثق فيك فده بالدنيا الشخص اللي بيختار معاك صوره ، لبس ، هديه فده بالدنيا الشخص اللي بيفضل ياخد رأيك في حاجات ملهاش أول و لا أخر ده بالدنيا الشخص اللي فجأة بتقابله من غير أي ترتيب مُسبق فده بالدنيا الشخص اللي اختارك علشان تروح معاه مشاويره فده بالدنيا الشخص اللي دايما موجود بيسمعلك و وقت ما تحتاج حضنه و أيده بيطبطبوا عليك فده بالدنيا الشخص اللي أول ما يشوفك يأس و واقع يبدأ يفوقك حتي لو بكلام هيوجعك فده بالدنيا الخلاصه يا جميل إن في علي الأقل شخص واحد في حياتنا كده ممكن نكون واخدين بالنا منهم و ممكن لا في شخص علي الأقل كده بتثق فيه بترتاح معاه بتاخد آراءه يقعد معاك وقت ضيقك و يفهم كلامك الملعبك و الدبش كمان فكل ده بالدنيا كل ده رزق ليك من رب الكون علي هيئه الشخص ده #لـشهدالوليد|الإعصار. ❝ ⏤Shahdalwaleed(Hurricane)